الطريق الي المانيا و دول اوربا ، لمهندسين الايمبديد ممكن تشتغل في فاليو او في منتور و تروح علي فرع فرنسا او ميونخ او اي شركه شغاله Automotive ، المجال واسع هناك في المانيا و خصوصا ميونخ و خصوصا لو معاك خبره في الAutosar هتتخطف. حاول تعمل خبره في مصر علي قد ما يمكن علشان الشركات الكبيره بس اللي هي هتديلك الاقامه و غالبها هي اقامه EU Blue card الاقامه الزرقاء. و دي بمرتب عالي للمؤهلات العليا. الطريق الثاني انك تتعلم الماني و تعدي مستوي B2 و تقدم علي جامعه هناك ، و برده هتوصل للEU Bluecard اللي هو تصريح العمل ، علشان كده انا بنصح ان الناس تشتغل في شركات في مصر تاخد الخبره منها و بعدين تقدم علي شركات بره.
لبتوع الجيمز ، للاسف مفيش غير كم شركه في مصر اللي هي بتعمل جيمز علشان تاخد خبره منها كويسه، الحل انك تسافر الخليج و تجمع فلوس و تسافر اسكوتلاندا اللي الحكومه بتاعتها بتدعم تطوير الالعاب! و انجلترا فيها Rockstar و Dice في السويد ، الحل انك تجمع فلوس و اسهل طريق هو انجلترا ، مليانه شركات العاب ، الطريق هو انك تدرس ماستر في تطوير الالعاب و فيه جامعات كتيره بتدي الماستر ده ، بس المشكله في فلوسه غاليه ، فلازم تسافر الخليج و تحوش فلوس و تروح ماستر هناك ، في جامعه اسمها HULL شفت باكستان راحوها و كملوا طريقهم.
الاقامه في انجلترا صعبه ، لازم شركه كبير تقدر تديلك الاقامه علي Tier 2 General و ده محتاج IELTS لو الجامعه بتاعتك مش دراستها بالانجليزي ، و لازم المرتب يكون عالي فوق ال40.000 استرليني في السنه. كان زمان انجلترا بتدي تصريح عمل للي معاه ماجستير من انجلترا و يكون خارج الاتحاد الاوربي بس النظام ده اتلغي. تابع الHomeoffice موقعهم و شوف الفيزات المتاحه.
امريكا محتاج شركه تديلك الH1B زي امازون او ميكروسوفت او جوجل او اي شركه كبيره ، النقطه ان الشركات دي حتي لو قبلت فيها بيكون فيه قرعه لان الفيزا او تصريح العمل ده بعدد معين لكل شركه انها تاخد حد مش امريكي ، طريق امريكا زي طريق انجلترا. بس امريكا ميزتها ان اللي معاه ماستر من امريكا و طالب F1 Visa ليه الحق انه يشتغل في اي شركة لمدة 6 شهور ، و دي فرصه انه يروح شركه كبيره و تديله تصريح العمل!
و بالتوفيق يا شباب مصر و يارب اكون افدتكم.

Top of Form