وف جداً بالعلوم و بالبرمجه ، فاتلهيت فيها شويه...ووقع في ايدي كتاب..مصيبه و مقدرش اقول اسمه لان اللي هيقرأه هيلحد 100% ، حتي اسم الكاتب غير معروف. بدأت اقرا عن نظريه التطور و بدأت اسأل امي ، ايه الفائده من وجودنا و جينا ازاي ، و للاسف بقدر تعليمها مقدرتش تجاوبني علي اسئلتي.
لحد ما دورت علي اجابات الاسئله بنفسي ، لحد ما بحثت في كل الاديان ، فضلت سنين ادور علي الحقيقه ، شفت البوذيه و الزرادتشيه (اللي هي نسخه من الاسلام) ، و شفت الصابئه و حاول اتعرف علي الصابئه في العراق من علي الانترنت و اتعرفت علي البهائيه اللي هو مازيدي بتاع الميكروكنترلور منتمي للطائفه دي ، و شفت المسيحيه و درستها و بقيت اناظر فيها ، و دارس للانجيل قوي جداً و حافظ نصوص من الانجيل.
لقيت في الكتاب المقدس نص خلاني ابعد عن المسيحيه و هو يوحنا 13-1 " و هذه الحياه الابديه ان يعرفوك انت الاله الحقيقي وحدك و يسوع المسيح الذي ارسلته" ، النص باختصار بيقول ان لا إله الا الله و يسوع رسول الله اللي ربنا ارسله.
شفت اليهوديه و عرفت ان كتير اساطير فيها منسوخه من اساطير حضاره بابل ، و عادات و تقليد زي مثلا عدم اكل السمك ، المراه و هي حائض مينفعش تمسها و الا تفقد طهورك و كتير حاجات منافيه للخلق و طبيعه البشر.
لحد ما سافرت السعوديه ، و رحت اعمل عمره ، الكلام ده و انا 22 سنه من البحث و التعب ، رحت بس مكه علشان اشوف الكعبه دي حقيقه ولا لا ، وصل بيه المطاف اني لا اؤمن بالرسل إطلاقاً ، و شفت قدم ابراهيم و شفت غار حراء و معالم اسلاميه جميله. حسيت بالراحه "النفسيه" في مكه جداً ، علي الرغم اني ساعتها كافر.
وصلت لاخر دين و كنت تاركه في الاخر الاسلام ، لاني كان قلبي حاسس انه الدين الصحيح ، قرأت كل حاجه ، سيره بن هشام و بن اسحق ، درست عقليه ابن تيميه ، درست الفرق ، درست العقيده و الصفات ، درست الجرح و التعديل ، الناسخ و المنسوخ و حاجات كتيره جداً.
وصل بيه ان الاسلام في جوهره حاجه اغلب المسلمين ميعرفوهاش و هي التوحيد ، اللي محمد عبد الوهاب كتب عنه كتاب التوحيد. التوحيد هو جوهر الاسلام ، علي الرغم ان في ديانات زي الصائبه موحدين برده ، بس كلوا فيه تخريفات و ووصلوا للشرك.
هداني الله للاسلام و أمنت بالله الواحد الاحد.
و اشهد أن لا إله الا الله و أن محمد رسول الله.