بخصوص حل المشاكل و "هوس" الproblem solving و طريقه السيلكون فاللي في التعيين. من اول لما اتعلمنا ازاي نجمع و نطرح في الابتدائي ده problem solving و تنميه مهارات مكتسبه من اول لما بدات تتعلم تجمع و تطرح لحد لما تحل معادلات تفاضليه في اكثر من متغير. المدرسه بتعلمك الادوات في الرياضه مثلاً زي ازاي تجمع و تطرح و بعد كده ازاي من معادله تجيب مجهول x+1=2 ، لازم علشان تبقي مهندس شاطر تكون "حلالل مشاكل" و المهاره دي زي اي مهاره محتاجه تدريب و اهم حاجه "تعرف" ادواتك. مادة الdata structures and algorithms هي الادوات اللي انت بتتعلمها و انت في الكليه علشان تقدر تحل مشاكل في علوم الكومبيوتر. علي سبيل المثال اللي دايما بطرحه لو انت بتعمل جهاز عدة تيلفون في البيت و بتسجل ارقام الناس كلها ووصل لمليون رقم ، ازاي تقدر تبحث باسرع وقت ممكن عن اسم شخص ؟ لو هتلف علي كل العناصر في الtime complexity is O ( N=1000.000) لكن مثلا لو رتبت العناصر دي و استخدمت "اداة" زي الbinary search هتختصر الوقت لO ( Log N ) و ده اسرع طبعاً. علشان كده انا بنصح الطلاب و خصوصا المصريين اللي اتعلمه في مدارس مصريه انك تقوي مهاره حل المشاكل اولاً بدون ما "تغوص" في بحر الخوارزميات و هياكل البيانات. انصح بشده كتاب How To Solve It و "بس" بعد كده شوف الادوات و اتعلمها و لما تجيلك مسأله شوف الادوات و شوف ازاي تقدر تحلها بال"معطيات" و "البرهان" زي ما اتعلمنا في المدرسه ، البرهان غالبا الtime complexity, space complexity, recurrence relation, ..etc.

Top of Form