من سريري ، تحيه و تقدير للدكتور حسين عبد السلام استاذ الرياضيات الهندسيه بهندسه عين شمس. مش ناسي يوم لما كنت بتشرح هندسه تحليليه و كتبت vector ، ب 5 dimensions و كنت عايز تتطبق عليه Euclidean Geometry ، و قاطعتك و قلت لك ده مش صح في الهندسه الاقليديه بكل إحترام و تقدير و بأدب و خدت مني الكارنيه و طردتني من القاعه و محضرتلكش تاني. أحب اقول لحضرتك إني اشتركت مع زميلك دكتور محمود عبد المؤمن و اشترك معايه في كتاب رياضيات في برمجه الالعاب و الرسوميات و رغم الظروف كان هيتدرس في هندسه عين شمس ، و يشاء 
القدر يا دكتور إن أدرس رياضيات الرسم في جامعه سالزبورج في النمسا للطلبه :) .

تحيه و تقدير للدكتور فتحي السيد نور مُدرس ماده الDigital Design ، مش هنسي لما كنت عامل clock 50 GHz، و كنت عايز flip flop يقسمها لاثنين ، و قلت لك دي مش مسأله واقعيه بكل احترام و تقدير و أدب ، لكن طلعتني من المحاضره و ضربتني بالشلوت و حرمتني من علمك النافع. احب اهديك Video Game Console و هو اول فيديو جيم كونصل عربي يرسم 3D علي ميكروكنترلورwww.youtube.com/ahmedragia21

تحيه و تقدير لدكتور الالكترونيكس محسن صالح اللي حليت له المسأله بقانون اوم في سنه رابعه ، و هو كان عايز حل بطريقه تانيه و كانت بتتشرح في الدروس الخصوصيه و انا مكنتش باخد درس خصوصي و لما عرضت عليه الحل في الامتحان قالي لو شفت حلك هسقطك و فعلا سقطت الماده و نجحت فيها بالرأفه و دي الماده الوحيده اللي شلتها.
احب اهديك شغلي في الاكترونيكس و الايمبديد تقدر تتفرج عليه في قناتي.

تحيه و تقدير للمعيد اللي غلبته في روبوكن مصر هندسه عين شمس و حضرت له السكشن و بكل احترام و تقدير طردني منه علشان حليت مسأله recursive و شرحتها ليه قدام الطلبه و قالي انت حمار و مبتفهمش و مغرور. احب اهديك الGame Engine اللي كاتبه بالسي ++ تقدر تشوفه عليgithub.com/andreahmed :)
ايام سوداء.