Graph algorithms in embedded software, كلام بسيط عن الموضوع يُعتبر مُلخص او مقدمه ، للي حابب يتعمق اكثر في الموضوع https://www.facebook.com/723520573/videos/10161571385230574/
Posts
المعاهد الخاصه و العقم الفكري...كنت في دفعه مريضه عقلياً و نفسياً ، كان كل اللي هامهم المظهر و الفشخره بلقب المهندس.. كان كل اللي هامهم انت لابس من Nike ولا اديداس و اللي علي شاكلته..و نظراً لظروف مصر ساعتها أيام مبارك ، كان الطبقه العليا هي اللي كانت مسيطره و مرتاحه مادياً... كانت صاحبه السياره تخش وسط الحرم الجامعي ، لتتفشخر بسياره ال BMW... الأولاد مهوسين باللبس الجديد من momo او من 247...و ان لم تكن علي شاكلتهم ، فانت منبوذ ، فقير ، ملكش لازمه انك تقف معاهم. ناهيك عن اسم معهد و اللي كان بيقسم ضهرهم ، كانوا بيقولوا ان كارنيه الجامعه الامريكيه او الاكاديميه بحريه ، تحطوا وش ظابط ، ميقدرش يتكلم معاك ، لكن كارنيه المعهد بتاعك ولا ليه لازمه. كانوا لما يتعرفوا علي بنات جديده من كليات تانيه في جامعات تانيه ، يتكسفوا يقولوا انهم في معهد خاص..يقولوا احنا في اكاديميه الشروق. طبعا هؤلاء تمكنوا من الحصول علي وظيفه و اذكر منهم مصر الطيران مهندس علي الرغم سقوطه كل سنه و النجاح بالرأفه ، و الاخر مهندس في شركه بترول ، و اخر في مهندس شركه بترول علي الرغم تعافرهم في النجاح كل سنه. تبأً...
انا خريج خاص معهد هندسة الشروق اتصالات 2008 ، عملت في المانيا و النمسا بمجهودي الشخصي ، عملت في اكبر الشركات مثل Qualcomm, Schiebel. كانت ظروفي الشخصيه صعبه في الثانويه العامه من حيث الدروس الخصوصيه و مخدتش دروس خصوصيه لظروف ماديه. و دخلت خاص بالجمعيات و بكسر الضهر. حاليا انا مهندس باحث في معهد النمسا للتكنولجيا Austrian institute of technology. انا ضد المعاهد الخاصه انا شفت خريجين بيسقطوا و بيخشوا بالواسطه شركات البترول ، لكن برده بتجيلي طلاب حكومه اتصالات و حاسبات مش عارفين لغة السي مثلا ، و بيغشوا و عايزين حلول محلوله للمشاريع بدون تعب. الملخص المؤسسه التعليميه فاسده في مصر ، مينفعش ترموا شماعه فشل المنظومه علي المعاهد الخاصه. كلنا فاسدون.
الطريق الي المانيا و دول اوربا ، لمهندسين الايمبديد ممكن تشتغل في فاليو او في منتور و تروح علي فرع فرنسا او ميونخ او اي شركه شغاله Automotive ، المجال واسع هناك في المانيا و خصوصا ميونخ و خصوصا لو معاك خبره في ال Autosar هتتخطف. حاول تعمل خبره في مصر علي قد ما يمكن علشان الشركات الكبيره بس اللي هي هتديلك الاقامه و غالبها هي اقامه EU Blue card الاقامه الزرقاء. و دي بمرتب عالي للمؤهلات العليا. الطريق الثاني انك تتعلم الماني و تعدي مستوي B2 و تقدم علي جامعه هناك ، و برده هتوصل لل EU Bluecard اللي هو تصريح العمل ، علشان كده انا بنصح ان الناس تشتغل في شركات في مصر تاخد الخبره منها و بعدين تقدم علي شركات بره. لبتوع الجيمز ، للاسف مفيش غير كم شركه في مصر اللي هي بتعمل جيمز علشان تاخد خبره منها كويسه، الحل انك تسافر الخليج و تجمع فلوس و تسافر اسكوتلاندا اللي الحكومه بتاعتها بتدعم تطوير الالعاب! و انجلترا فيها Rockstar و Dice في السويد ، الحل انك تجمع فلوس و اسهل طريق هو انجلترا ، مليانه شركات العاب ، الطريق هو انك تدرس ماستر في تطوير الالعاب و فيه جامعات كتيره بتدي الماستر ...
.نصائح متواضعه مني. اولاً الحلم ملوش آخر ولازم تسعي ليه لاخر نفس في عمرك ، بدون احلام الحياه ملهاش طعم. انا و انا صغير كنت بعمل جيمز و انا لسه في ثالثه اعدادي و بالسي++ ، كنت بحلم دايماً اني اسمي يتكتب علي لعبه و عملت ده ، طب إزاي ؟ ايه اللي ناخد بالنا منه ؟ 1. حلم السفر للخارج و خصوصا مع صعود اليمين المتطرف في اوربا و امريكاً بقي من المستحيلات ، بس ده علي مستوي السياسه للبلاد ، بس النقطه انك لو شاطر هيخطفوك حتي لو في المريخ. 2.اختار القسم اللي بتحبه ، متسمعش كلام من ناس ان القسم ده تعبان و ملوش شغل ، اختار اللي بتحبه و إسعي عليه. 3. حب الكليه زي الكراش بتاعك ، مينفعش تسيب الكليه و انت السيفي بتاعك صفر مشاريع ، اعمل لاي ماده مشروع حتي لو دائره فيها ترانزستور واحد و بيكبر اشاره صوتك المزعج من ميكروفون. متسبش اي ماده غير لما تعمل ليها مشروع حتي في حاسبات و معلومات و هندسه اتصالات ، كله لازم يعمل مشاريع ، اوعي تسيب السيفي بتاعك فاضي. 4. مينفعش تفكر في الجواز من بعد التخرج الكلام للبنت و الولد ، مينفعش تخطب و انت لسه في الكليه و تشيل مسئوليات و ضغط عليك نفسي و مادي ، حوش ع...
مراجعه علي كتب الخوارزميات و هياكل البيانات المتاحه في السوق الان. اولا Introduction to algorithms CLRS الكتاب مشهور و يُعتبر مرجع مهم للخوازرميات ، لكن المشكله في الكتاب ان جزء ال Data structures فيه ضعيف جداً ، ولا يصلح كمرجع اوحد في الخوارزميات و هياكل البيانات ; معظم الجامعات بتدي كورس داتا ستركشرز لوحده و كورس خورازميات لوحده و ده الصح ، لكن الاعتماد الكلي علي الكتاب ده ، خطأ في رأي. الكتاب مهم جداً و النقطه القويه فيه هو قسم ال Algorithmic Design ، بخصوص مسائل ال DP, Greedy, Divide and Conquer و طبعاً بقيت الاقسام مثل المسائل الهندسيه الحاسوبيه ، يُعاب ايضاً استخدام ال Discrete Math بشده في الكتاب ده. ثانياً كتاب Algorithm design manual Skiena الكتاب بيستخدم لغة السي ، شرحه عملي و باكواد علي عكس كتاب cormen ، بيشرح بالسودو كود ، يُعاب ان الكتاب حاول يلم ما بين الداتا ستركشرز و ال algorithm design ، بس مش بالقدر الكافي ، من مميزاته عندم التعمق في الاثبتات الرياضيه بكثره علي عكس CLRS. ثالثاً: كتاب Algorithm Design كتاب قوي جداً و مرجع مهم ، بس في منتهي الصع...
معلش اسف البوست طويل...بس خواطر حبيت اقلها ليكم. اتعلمت سي و فيجول بيسك و انا 13 سنه ، كان ابويه و امي صرفوا مدخراتهم علي انهم يشتروا ليه كتب من امريكا بكل ما يملكوا علشان اتعلم برمجه و انا في السن ده. كانت مصيبتي الكبري ازاي اصلح التليفزيون بتاع البيت ، حاولت اتعلم الكترونيات مع نفسي معرفتش اطلاقاً ، كان فاتح محل الكترونيات جمب البيت ، كنت بمسحه و بوضبه الصبح علشان الفني يعلمني ازاي يقيس العناصر الالكترونيه. في يوم من الايام كان في زبون فندهت ليه بإسمه ( يا عيد احط الجهاز ده فين) ، راح وبخني بعدها قالي متقليش قدام الزبائن غير يا بشمهندس عيد ، رحت عيطت لامي و قلتلها لازم اخش هندسه الكترونيات طالما مش عارف اتعلم ده لوحدي. في نفس الوقت كنت بعمل جيمز، كنت بحاكي العاب الاتاري و اكتفيت ذاتيا من ده ، و دخلت في حاجات كبيره زي DirectX 5 و فيجول سي ++ 5 و عرفت حاجات كتيره اوي ساعتها ، لكن سبتها و دخلت كليه الهندسه. دخلت و اتعلمت و فهمت ان عيد مش مؤهل انه يعلمني ، يشاء القدر ان التليفزيون يبوظ تاني ، ابويه خده لعيد ، و قاله هيتصلح ب 400 جنيه ، الكلام ده في 2003 ، والمبلغ ده كبير جداً ، كنت ...
مواقف حصلت لي في حياتي مش هنساها في الغربه و عبر. كنت في حج 2011 ، كانت الدنيا بتمطر جامد جدا رعد و برق ، كان معايه صاحبي دكتور في الجامعه معايه ، شلت المحفظه بتاعتي معاه علشان كان في سيول و مطر ، و احنا بنطوف فجاه لقيته اختفي ، و المحفظه فيها الاقامه و فلوسي و كل حاجه فيها. فضلت اطوف و خلصت طواف الوداع ، رجعت ادور علي الاتوبيس بتاعي اللي هيوصلني للرياض ملقتوش ابدا فضلت 3 ساعات ادور عليه مش لاقيه ، و كانت هدومي متبهدله طينه و جعان. رحت مركز شرطه اجياد في مكه ، و قلت لهم انا مدرس في جامعه الملك سعود في السعوديه و محفظتي ضاعت و عايزكم توصلوني للرياض ، قالولي منقدرش نعمل حاجه ، ده موسم حج. خرجت من القسم و بعيط و دعيت دعاء قلت يارب ما تسبني في اللحظه دي، مشيت في النفق و عمال ادور علي الاتوبيس وسط الاف الاتوبيسات ، لقيت كارت الحمله بتاعتي علي الارض واقع ، مصدقتش وسط ملايين الناس لقيت الكارت ، رحت لفندق كان فيه مصريين و منظري متشرد ، قلت لهم لو سمحت اتصلوا بالرقم ده ، و اتواصلوا مع الحمله و قلتلهم انا في مركز شرطه اجياد و جم خدوني و جابلوي اكل ووصلت الحمد لله للرياض بسلام. تاني موقف ك...
كتير من المهندسين المبتدئين في البرمجه بيتعلموا لغه برمجه في الكليه او سواء دراسه ذاتيه ، لكن نعمل ايه بعد تعلم اللغه ؟ اعمل جيمز! ، ايوه اعمل جيمز ، دي نظريتي اللي لما بعلم حد و بعمله منتور ، بعد لما يخلص لغه و الجوريزمز و داتا ستركشرز بقله اعمل جيمز. طبعا الكلام ده بعد لما تكون اتعلمت اساسيات في البرمجه نفسها مش تخش علي الجيمز و انت لسه مش عارف الجوريزمز و داتا ستركشرز. بعد تنميه مهارات حل المسائل الخوارزميه ، و محتاج تطبيق ، خش و اعمل جيمز. ليه جيمز ؟ الجيمز بتنمي مهاره ال problem solving ، الجيمز من اصعب انواع البرمجه و فيها تحديات كثيره ، هتقدر توظف حاجات كتيره من الداتا ستركشرز و الالجوريزمز. علي سبيل المثال ال score list ، لما تعمله بتعمل sort لل scores و بتستخدم list متخزن فيها ال scores. مثلاً ، لو بتعمل لعبه فيها map و هي 2 D ممكن تتطبق A*, Dijkstra ، في البحث عن اقصر مسار بين نقطتين ، رسم الصوره نفسها ك Bitmap هو تمثيل 2 D Array من القيم اللي بتمثل الالوان الاساسيه الثلاثه RGB ، ال Game Play و الذكاء الصناعي محتاج تطبق خوارزميات كتيره اوي متاحه علي حسب اللعبه ،...
تطبيق في الكومبيوتر ساينس ، مينفعش ماده مهما زي الداتا ستركشرز و متكتبش كل الADT ، بنفسك و تحل مسائل عليهم. ثاني حاجه استفاد جداً من المعيدين و الدكاتره ، اسئلهم ، اعمل مشروع و خليهم يحلوا مشاكلك ، شارك زملائك في المشاريع ، متبقاش اناني و علم زملائك هتكتسب soft skills ، لما تشرح هتفهم اكثر و تتثبت المعلومه ، هتفيد و تفيد. ثالث حاجه مينفعش كل موسم امتحانات الاقي علي الفيس جمل زي هسقط ، هشيل ، مش مذاكر حاجه و الولوله بتاع كل موسم. الدراسه علشان تتعلم و تفيد مجتمعك ، المساله مش حفظ و دح و بنذاكر علشان ننجح او علشان يتقالي يا بشمهندس و اتجوز بالشهاده. رابع حاجه بلاش بالله عليك تكتب ENG ، و انت لسه مدخلتش الكليه ، لو مُصر روح زور دكتور نفساني دي اعراض Paranoia و نرجسيه و اي واحد ذكي HR هيلاحظ ده ، حتت اللقب و الكلام ده لما تبني نفسك كويس ، لما تتعلم ، لما تخلص ، انا مبقلش متفرحش باللقب ، بس انا عايز طموحك انك تبقي Prof.Dr.Eng. بلاش تعيش جو الكليه و الحب و الهلوسه و الخروجات و البلاي ستيشن و الcrush و انا معجب بدي و انا معجبه بده ، البنت بتحبني ، بحضر السكاشن علشانها ، بذاكر لبنات بس ، ...
و انا متخرج كنت بترفض دايماً في الشركات في مصر ، فقلت طب العيب في مين ، مش ممكن يكونوا الناس التانيه احسن و سيفيتاهم قويه ؟ المهم عملت اعلان وظيفه وهمي كانت Embedded ، و نقلت المواصفات من موقع امريكاني و حطيت الاعلان علي مواقع الوظائف. الغرض من ده ايه 1. اشوف احسن سي في كشكل 2. اشوف المحتوي و اشوف ناقصني خبرات في ايه
بعيدا عن الدبلومات و الكورسات المليانه السوق ، دي خريطه ازاي تكون قوي في مجال الايمبديد سيستمز و كتابه firmware. رحلة سعيده و تجربه ممتعه ! C Programming a modern approach The C Programming language Embedded C The Art of Electronics PIC Microcontroller and embedded systems Computer organization and design Programming embedded systems An embedded software primer Compilers, the dragon book Algorithm design manual Embedded and real time operating systems ARM architecture reference manual Design Patterns Gang Of Four Modern Operating Systems Mazidi Tiva C Software Engineering Clean Code MicroC OS
ليه الاطفال لازم الاهتمام بيهم اكثر من ال"بغال" ؟ الاطفال هما عٍماد مصر ، هما المستقبل ، الاطفال لازم الواحد يستثمر فيهم ووقته و جهده ، الطفل هيفضل يفتكرك طول عمره و هتتطبع في ذاكرته و يا سلام لو وصل لحلمه ; ده اللي بتمناه اصلا من بعد 11 سنه خبره في الهندسه. البغل مش هينتقدك باسلوب مُهزىء و يتعالي عليك بعد لما علمته ولا هيرمي كلام جارح زي ما جالي في الايام اللي فاتت لما قررت استغل وقتي لمنفعه ناس تانيه و شفت ان الاطفال هما الاولي بوقتي. الحمد لله من بعد بحثي فيه اه شويه حيتان زي عناتيل الايمبديد بس علي صغير ماسكه الموضوع :D لكن مش كتير ، و انا عامل المبادره بالمجان ، اتمني من اولياء الامور يشاركوني بهدف تنميه الطفل و قدراته العقليه و تفكيره النقدي و الابداعي. الطفل محتاح مجهود كبير جداً و خبره تربويه ، بما أني دَرست لطلاب ماجستير في جامعه سالزبورج في النمسا ، فانا عندي خبره في التدريس و هقدر بقدر الامكان انزل لمستوي الطفل ، انا مش همل و مش بمل لما هعلم اي طفل ، و اشوف الفرحه في عينه لما ينجح في اللي عايز يعمله. الهدف من المبادره اللي عامله لكل طفل 1. الحث علي ...
إرثي في المحتوي العربي.. قناتي علي اليوتيوب بها محاضرات باللغه العربيه ، و بعض من مشاريعي https://www.youtube.com/watch?v=kiqopmLjFjE كتاب ألفته في الرياضيات و برمجه الرسوميات و انا لسه طالب في ثانوي لحد الجامعه المرشد الكامل في برمجه الرسوميات جزء الرياضيات http://www.mediafire.com/file/69buysjcnq2x0f9/book.zip/file مقالاتي في الفريق العربي للبرمجه 2000 http://arabteam2000-forum.com/index.php… سنين عمري افنتها من طفولتي لخدمه طالب العلم العربي. اتمني الاستفاده و نرجوا الدعاء :)